Rekonstruksiya ishlari sabab 13-iyundan 50 kunga yopilgan Toshkent metropolitenining “Chinor” metro bekati muddatdan 4 kun avval, 29-iyul kuni soat 05:00 dan boshlab yana yo‘lovchilarga xizmat ko‘rsatishni boshlaydi.

Toshkent metropoliteni ma’lum qilishicha, реконструкция jarayonida bekatning kirish va chiqish qismlari kengaytirilgan. Turniketlar soni 6 tadan 13 taga yetkazilgan. Shuningdek, yo‘lovchilar uchun noqulaylik tug‘dirib kelgan o‘tish yo‘laklari qayta loyihalashtirilib, bekatdan-bekatga to‘g‘ridan-to‘g‘ri o‘tish imkoniyati yaratilgan.

Metropoliten ma’lumotiga ko‘ra, rekonstruksiyadan avval kuniga o‘rtacha 15 ming yo‘lovchiga xizmat ko‘rsatgan bekat endilikda 35−40 ming nafargacha yo‘lovchini qabul qilish imkoniyatiga ega bo‘ladi.