Балаҕан ыйын 27 күнүгэр 18:00 чаастан СӨ Ил Дархана Айсен Николаев «Прямая линия» биэриитэ саҕаланар.

Быһа биэриигэ ыйытыылары ылыы балаҕан ыйын 21 күнүттэн саҕаламмыта. Бүгүн, балаҕан ыйын 24 күнүгэр, 258 ыйытыы номнуо киирбит.

Эрэгийиэни салайар Киинтэн (ЦУР) иһитиннэрэринэн, 57 ыйытыыны колл-киин нөҥүө, 169 – MAX мессенджергэ чат-бот нөҥүө, 32 – «Айта» сыыппара көмөлөһөөччүтүн нөҥүө биэрбиттэр.

Ордук элбэх ыйытыы Дьокуускайтан киирбитэ ыйыллар. Маны сэргэ, Ленскэй, Өймөкөөн, Алдан, Нерюнгри, Мииринэй, Дьааҥы, Аллараа Халыма улууһун олохтоохторо ыйытыылары биэрбиттэр.

Дьон-сэргэ ордук тырааныспар, суол-иис, ОДьКХ, уот-күөс, олорор дьиэ-уот, хаарбахтан көһөрүү, култуура, успуорт, үөрэх туһунан ыйыталаспыттар.

Санатар буоллахха, ыйытыылары маннык ылаллар: 8 (4112) 506-006 төлөпүөнүнэн; – MAX мессенджер чат-ботугар @voprosglaveyakutii_bot; – «Айта» сыыппара көмөлөһөөччүтүн 8 (4112) 510-000 нүөмэринэн.

Быһа биэриини «Якутия 24», «Саха» НКИХ, «Россия 24» ханаалларга көрүөххүт, «Тэтим», «Радио России», «Виктория Саха», «СТВ-араадьыйа» араадьыйаларга истиэххит, Ил Дархан социальнай ситимнэригэр көрүөххүт.

Ыйытыылары 2026 сыл балаҕан ыйын 27 күнүгэр, биэрии түмүктэниэр диэри ылаллар. Бу туһунан Ил Дархан уонна Бырабыыталыстыба пресс-сулууспата иһитиннэрэр.

Сиһилии: https://www.sakha.gov.ru/news/64204