10/06/2026 Actualizado a las 21:02h.

Kalean da 'Udala Informatzen' aldizkariaren urteko lehen alea, udalaren lehen seihileko jardunaren azpimarretako batzuk bilduta. Bost gai nagusi, hamabi labur eta hainbat eta hainbat hitzorduren irudiak topatuko ditu irakurleak bertan. Hala jakinarazi du udalak prentsa ohar baten bidez

Itxura «berrituta» datoz aldizkaria eta hileko agendaren eskuorria. Oiartzungo udalak bere komunikazio-estrategiaren gaineko azterketa egin du eta bertatik ateratako emaitza eta ondorioek isla izango dute udalaren irudian eta euskarrietan. Eraldaketa «progresiboa» izango da, aldizkaria eta ekaineko agenda izan dira lehen «egokitzapenak».

Udalak euskara hutsean inprimatu eta banatzen du aldizkaria herriko etxe guztietara. Hala nahi duenak gaztelaniazko bertsioa ere jasotzea eska dezake.

«Hori 943 49 01 42 telefono-zenbakira deituta, oiartzun@oiartzun.eus helbide elektronikora idatzita edo Herritarren Arreta Zerbitzuko bulegora joanda egin daiteke», jakinarazi du udalak.