Fastur liður hjá nemendum á öðru ári í húsasmíði er að byggja frístundahús. Um er að ræða timburhús sem nemendur byggja frá grunni. Þetta verkefni er nemendum afar lærdómsríkt því það kemur inn á svo marga þætti sem húsasmiðir þurfa að kunna skil á.

Á undanförnum árum hafa húsasmíðanemar í VMA oftast byggt 40-50 fermetra frístundahús en  sl. vetur var brugðið út af þeirri meginreglu og byggð þrjú 20 fermetra frístundahús fyrir Hamra – útilífs- og miðstöð skáta sem rekur tjaldsvæðið á Hömrum. Eitt þeirra húsa er ekki alveg að fullu byggt en nemendur á öðru ári í vetur ljúka við það sem upp á vantar.

Meginverkefni nemenda í vetur er bygging þriggja slíkra frístundahúsa sem fara einnig upp á Hamra. Húsin eru byggð í einingum, bæði utandyra og innan. Í gær, fimmtudag, var tveimur af þremur húsum púslað saman, forsmíðaðar veggeiningarnar hífðar á sinn stað og þakstykkin ofan á. Þriðja húsið verður síðan sett saman að nokkrum vikum liðnum.

Bragi Óskarsson, kennari í byggingadeild, segir ekki veita af því að hafa þrjú hús í byggingu á sama tíma til þess að hafa næg verkefni fyrir þennan fjölmenna nemendahóp – tæplega fjörutíu nemendur. Því var nemendahópnum skipt í þrjá minni hópa.

Til gamans er vert að rifja upp byggingu frístundahúsa VMA síðustu þrettán árin - frá árinu 2013:

Haustið 2025
Haustið 2024
Haustið 2023
Haustið 2022
Haustið 2021
Haustið 2020
Haustið 2019
Haustið 2018
Haustið 2017
Haustið 2016
Haustið 2015
Haustið 2014
Haustið 2013